Die Voortrekkers

Transvaal Staatmakers

Die Bemarkingskomitee is ’n Ad Hoc komitee wat in die lewe geroep is ingevolge Die Reglemente, Hoofstuk  12 – Komitees na afloop van die Interstatie 2008 van Transvaal Staatmakers, ’n gebiedskomitee van Die Voortrekkers Transvaal.

Die primêre doel van die Bemarkingskomitee is om die Staatmakers te bemark onder Gr 12 Verkenners met die doel om hulle te behou as Staatmakers nadat hulle skool verlaat het.

Oorhoofs sal die mandaat van die Bemarkingskomitee wees om:

1.      ’n Aanbieding saam te stel wat vir Verkenners aan gebied kan word;

2.      ’n Aanbieding saam te stel om ander Volwasse Lede in te lig oor Staatmakers;

3.      Die samestelling en uitstuur van mediavrystellings;

4.      Gefokuste advertensies te plaas;

5.      Staatmaker aktiwiteite op gemeenskap kalenders te plaas;

6.      Plakkate te ontwerp en te druk om versprei te word;

7.      Die bestaande laserskyf uit te brei en te verbeter; en

8.      Die webblad op te gradeer en in stand te hou.

Die Bemarkingskomitee van Die Voortrekkers Transvaal Staatmakers word uit die volgende persone saamgestel:

	Die Uitvoerende Gebiedskomitee van Die Voortrekkers Transvaal Staatmakers
	Ten minste een verteenwoordiger van elke Staatmakergroep
	Ad hoc lede soos en wanneer dit deur die Bemarkingskomitee nodig geag word